IZA CALZADO POSITIBO ANG PAGKA- IN LOVE SA BF

Pilar's Stars' Trips 
Ni Pilar Mateo

Ang pakiramdam ng mga tao, ang tagal na niyang na-bakante sa telebisyon. Pero ayon sa magiging kontrabida ni Bea Alonzo sa bagong lunsad na proyekto ng Dreamscape Television Entertainment na "Sana Bukas pa ang Kahapon" na si Iza Calzado, magkakasunud-sunod kundi man magdidikit ang mga programang mapapanood sa kanya this year.

"7 months din namin ginawa ang "Biggest Loser" and this month na siya ipapalabas. Hindi ko lang kasi napo-post sa Facebook and Instagram ko 'yung mga updates pero there were so many challenges din I faced with the task assigned to me sa show."

Obvious naman na may magandang naging epekto kay Iza ang nasabing reality show at kitang-kita 'yun sa kanyang pisikal na kaanyuan.

"2013 was filled with lots of blessings. But the biggest surprise eh, itong offer ng Dreamscape na "Sana Bukas pa ang Kahapon". Wala pa ako masyado maikuwento with my character dahil nag-story conference pa lang din kami.

"Though compared sa mga roles na nabigay sa akin noon iba na naman ito kasi may pagka-bida-kontrabida naman ang gagawin ko with my character na magiging katapat ng characer ni Bea. And I've been really so looking forward to this type of character. So, for sure kami ni Bea ang aabangan sa mga confrontation scenes."

Na-put on hold ang isang project niya wherr she will co-star with Dawn Zulueta and Richard Gomez. But she's still hopeful na matutuloy pa rin ito.
What about her lovelife with Ben Wintle na mukhanh kampante'ng-kampante na siya and in her social networking sites-naise-share na niya ang mga travels nila out-of-the-country. Napapag-usapan na ba ang kasalan?

"Not naman like that or that sort na put on hold. Kasi out of the question. Wala pa naman sa mga plano namin. We're just enjoying each other's company and we do that sa mga travels namin if our schedules allow us. Travel-travel lang 'pag may time. I just wish din na nandito pa si Dad. Siya kasi talaga ang matutuwa sa lahat ng good things coming my way now. This was his dream for me. Sa career ko. But I know, with Ben in my life now-happy siya because Ben is taking care of me."